Ciafè le tru tla vita

La scora mesana

Do le moto “Öna na ćiasa, döes scores” tôl l’oferta scolastica dl Vinzentinum inće ite na scora mesana, pro le ginase che é bele dala fondaziun insö. L’esistënza de döes scores, öna dlungia l’atra, pîta tröpes poscibilitês de laurè adöm: i scolars y les scolares dla mesana y dla scora alta impara un dlungia l‘ater, na pert di insegnanć insëgna te trames les scores, tröpes iniziatives y manifestaziuns vëgn fates deboriada.

La scora mesana de trëi agn é gnüda istituida tl pröm tl Vinzentinum, l’ann de scora 1963/1964. Dl 1996 é l’oferta gnüda ampliada portan ite na seziun musicala.

Le tëmp dla scora mesana é n tëmp rich de domandes y de mudamënć. La fondamënta dl laûr pedagogich é porchël n‘impostaziun globala. Metodica dl imparè, creativité y l‘imparè sozial é ma n valgönes dles prioritês dla scora mesana dl Vinzentinum.

The Vinzentinum