Nia a ćiasa mo impò daćiasa

L’internat

“Sciöche na picia gran familia” – insciö descrî tröpes scolares y tröc scolars süa vita tl internat. L‘abité tl Vinzentinum é tan desvalì co chi che vir laìte. Maximilian, David, Franziska y Lukas s’à incuntè a fà na cartada tl bar dla ćiasa. Lisa röia dër śëgn zoruch da süa ora de tlavier te un di locai da sonè. 

Mateo, Iacopo y sü compagns se vist debota le guant da śoghé al palê, deache ai ô ćiamò fà na picia partida dan cëna. Manuel vëgn n pü’ dedô a daidé śoghé. Ël abitëia bëgn tl Vinzentinum, mo va te n’atra scora alta a Porsenù y à incö domisdé ćiamò scora.

Tratan śüga David plü ion cun le PC y se conforta bele a n bel film da sëra. La picia Oktava alza sö pëisc te palestra. Sabrina à debota ćiamò fat na inrescida te internet por sò referat, denanco s‘un jì dal internat de dé y jì a ćiasa. Veronika y Stefanie deperpo restarà te internat a dormì. Chël che ćiara sura, le Regens, tëgn ćiamò n pice momënt de reflesciun denanco jì a dormì. L’educadëssa Gertraud fej dedô ćiamò na roda, por ćiarè che döt sides apost. Destodé la löm! Buna nöt. 

The Vinzentinum