Na ćiasa por vigni situaziun

Tratan i mëisc da d’isté deura le Vinzentinum les portes ai ghesć. Ćina 180 porsones po ciafè lerch tles ćiamenes di studënć. Ai ghesć ti vëgnel inće pité le gostè, la mesa ponsiun o inće la ponsiun plëna. Grups sportifs o de jogn po anuzé l’areal defora, la palestra, sciöche inće i locai desvalis por le tëmp lëde. I grups de musiga à a desposiziun locai de insegnamënt y de proa. Por n valgügn ghesć singui é le Vinzentinum deventè n punt de referimënt por sües vacanzes te Südtirol. 

Tan inant che ara va da jì a öna cun les esigënzes d’anuzamënt internes, po i locai y les strotöres esternes dl Vinzentinum inće gnì afitades tratan l’ann de scora. Le salf maestus “Parzival” n’é nia ma n post ideal por conzerć, referać y rapresentaziuns teatrales de vigni sort, mo pîta inće na cornisc da festa por festes de familia, de aziëndes y por nozes. Inće l’areal defora é dër adatè por festes y manifestaziuns de vigni sort. Implü po i locai dl Vinzentinum gnì adorà por seminars y cursc de formaziun.