L daunì adrova ravises

L ginase classich

La scola auta dl Vinzentinum dura cin ani y ie n gymnasium cun la rujeneda taliana  coche segonda rujeneda y nglëisc coche rujeneda furesta. Dlongia la rujenedes modernes vëniel nce nsenià la rujenedes tlassiches latin y grech. Cumpededes vën la tlasses tl Vinzentinum per latin y dala prima tlas dla scola mesana inant. La cuarta tlas dla scola auta se tlama perchël Septima, la tlas de maduranza Oktava.

Capì l passà per pudëi mudelé l daunì: do chësc prinzip vëniel fat furmazion y dat inant savëi tl gymnasium Vinzentinum.

Ntan la scola auta tl Vinzentinum vëniel nce scialdi jit de viac. Sibe pra na vijita tla scola jumblina tla zità polaca Suwałki, che nce pra la vijites ala firmes da tlo y oradecà ntan i proiec de economia, o pra i viages tla ziteies antiches tla Grecia y tla Campania che ne possa sambën nia mancë; l scuvierjer sun l post y l tuché cun man fej daniëura pert dl cunzet pedagogich.

The Vinzentinum